SAFARIUM

SAFARIUM

in Glossis Isidori, Pastophorium; Atrium Templi vel Safarium. Item Safarium, Atrium Templi. Nempe Παςτὰς, in Templis Gentilium dicebatur ea pars, quae alias πρόδομος; non ἀπὸ τȏυ πάςαςθαι, quod ibi convivarentur, sed ἀπὸ τȏυ πάςςειν, quod est ποικίλλειν, quod opere intestinô caelaris laquearibus et tectoriô albariôque opere obductis pictisque et auratis ornata esset. Sed et velum vox significat variegatum plumariô opere, quod thalami vel oeci foribus praetendebatur. Unde παςτοφόρια, Templorum Atria, in quibus eiusmodi vela praetenta essent, vel potius quod is locus destinatus esset mansionibus τῶ παςτοφόρων. In templo namque Isidis, et aliarum forte etiam Dearum, certus coetus fuit sacratorum hominum, qui velum linteum variegatum, thalami foribus vel sacrae calybae oppandi solitum, ferre solebant. Atque hinc Isidorus Safarium, Atrium Templi exponit. Vide Iac Gorhofredum ad l. ult. de publ. aedific. et Salmas. ad Solin. p. 1217.